Н.В.Гогольнең 200 еллыгына...
2009 елның 17 марты, сишәмбе
Сезне 16 марттан 15 апрельгә кадәр Татарстан Милли китапханәсенең Күргәзмәләр залында (Кремль ур., 33) булачак бөек рус язучысы Н.В.Гогльнең 200еллыгына багышланган “Гоголь: шәхес һәм әдәби дөнья” дигән китап күргәзмәсенә чакырабыз.
Н.В.Гоголь рус һәм дөнья мәдәниятенең атаклы вәкилләре арасында мактаулы урын алып тора. Шигъри сүз остасы буларак, ул образларның тирәнлеге һәм чынлыгы, тормышны иҗади гомумиләштерү көче, әдәби камиллеге белән шаккатырган бөек әсәрләр тудырган.
Күргәзмәгә язучының әсәрләре белән бергә аның турындагы әдәбият та куелган. Әлеге басмалар классикның шәхесе һәм әйләнә-тирәдәгеләре белән таныштыра, шул чорның әдәби тормышын күзалларга ярдәм итә, язучы иҗат юлының төп этапларын күзәтә, иҗатының әдәби үзенчәлеген күрсәтә, әсәрләрен анализлый.
Күргәзмәдә Н.В.Гоголь әсәрләре буенча видеофильнар да күрсәтеләчәк.
Күргәзмәгә күмәк килү гаризалары кабул ителә.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз