Патент бүлегендә яңа басмалар күргәзмәсе

ТР Милли китапханәсенең патент бүлегендә (К.Маркс ур., 36 йорт) 2009 елның 28 мартыннан 15 апреленә кадәр энергия системасында эшләүче белгечләр һәм энергетика өлкәсендә һөнәри белем бирү йортлары студентлары өчен “Үз илебездә һәм чит илдә җитештерелә торган энергия саклаучы җайланмалар һәм җиһазлар” дип аталган каталоглар күргәзмәсе эшли.

Күргәзмәгә куелган документлар түбәндәгеләрне чагылдыралар:

- производство һәм офис биналарында җылыту җиһазлары (казаннар, пластик һәм металлпластик торбалар, җылыту приборлары (радиаторлар);
- инфракызыл нурланыш базасында җылыту җиһазлары;
- төрле конструкцияле һәм төрле максатта файдалану өчен житештерелгән энергия саклаучы лампалар;
- энергия саклаучы исәп-хисап, контроль һәм идарә итү приборлары;
- кояш энергиясен эшкәртү аша энергия саклау корылмалары;
- җил көче белән эшләүче электр станцияләре;
- электр һәм җылылылк энергиясен җитештерү максатыннан биоягулык куллану;
- су көче белән эшли торган электр станцияләре;
- энергия саклау максатыннан җылылык тоту материалларын куллану.

Күргәзмәдә китерелгән мәгълүматларда корылмаларның кыскача тасвирламасы бирелә. Шулай ук аларның схемалары, үлчәмнәре хакында да материаллар китерелә.