Габдрахман Сәгъдинең тууына 120 ел тулуга багышланган китап күргәзмәсе

Тел-әдәбият галиме, профессор Габдрахман Сәгъдинең (1889–1956) тууына 120 ел тулу уңаеннан Татарстан Милли китапханәсенең Зур уку залында (Казан, Кремль ур., 33) «Киң колачлы галим һәм фикер иясе» дип аталган күргәзмә оештырылды.

Габдрахман Сәгъдинең иҗат эшчәнлеге 1910 нчы елларда башлана. Ул үзенең күпсанлы хезмәтләре белән татар телен һәм әдәбиятын, төрки халыклар әдәбиятларын, милли мәдәниятебезне фәнни һәм тарихи өйрәнү эшенә зур өлеш керткән.

Күргәзмәдә Габдрахман Сәгъдинең ХХ гасыр башында Казан, Оренбург, Уфа шәһәрләрендә дөнья күргән китаплары белән танышырга мөмкин. Шулай ук әдипнең төрле елларда «Шура», «Безнең юл», «Мөгаллим» һ.б. журналларда басылган мәкаләләре куелган. Биредә, әдипнең хезмәтләре белән беррәттән, аның турындагы әдәбият та урын алган.

Күргәзмә 1 июньгә кадәр эшләячәк.