Китапханәнең вакытлы матбугат бүлегенә 25 ел

2014 нче елның 28 нче октябре көнне Татарстан Республикасы Милли китапханәсенең уку залында (Казан, К.Маркс ур., 36 нчы йорт) вакытлы матбугат бүлеге хезмәткәрләре Икътисад, җитәкчелек һәм хокук институты студентлары белән очраштылар. Әлеге очрашу вакытлы матбугат бүлегенең оешуына 25 ел тулу уңаеннан оештырылды.

Бүлек хезмәткәрләре килгән кунакларга Милли китапханә, бүлек тарихы турында сөйләделәр.
Студентлар Татарстанда басылучы газета һәм журналлар белән танышып, үзләрен кызыксындырган күп сорауларга җавап таптылар. Элеккеге Казан губернасында басылган газета-журналлар чарада катнашучылар арасында аеруча кызыксыну уятты.
Иң соңгы яңалыклар белән танышасыгыз киләме? Сез студентмы, курс эше, диплом яки диссертация язасызмы? Туган ягыгызның үткәне, бүгенгесе, киләчәге белән кызыксынасызмы?

Вакытлы матбугат дөньясына рәхим итегез!