А.С.Грибоедовның тууына 220 ел

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) А.С.Грибоедовның тууына 220 ел тулуга багышланган китап күргәзмәсе ачылды.

Бу – күргәзмәләр һәм мәдәни программалар бүлегенең Россия язучыларына һәм шагыйрьләренә багышлаган, китапханәнең Россиядәге Әдәбият елы кысаларында тәкъдим иткән беренче экспозициясе.

А.С.Пушкин Грибоедовны «Россиянең иң акыллы кешеләреннән берсе» дип атаган.

Күргәзмәдә А.С.Грибоедовның кызыклы һәм аянычлы тормышын чагылдырган басмалар урын алды. Алар арасында биографик басмалар, замандашларының истәлекләре, язышкан хатлар бар. Биредә шулай ук А.С.Грибоедовның фондларда саклана торган китаплары, авторны мәңгеләштергән бөек әсәре «Акыллылык бәласе» һәм башка пьесалары, шигырьләре куелган.

Күргәзмә 2015 нче елның 20 нче гыйнварына кадәр дәвам итәчәк.