Төбәк тарихын өйрәнүчеләргә

2009 елның 17 октябрендә Татарстан Республикасы Милли китапханәсенең вакытлы матбугат бүлегендә (К.Маркс ур., 36 йорт) Казан дәүләт гуманитар-педагогика университеты укытучылары һәм студентлары өчен элеккеге Казан губернасында басылган газета һәм журналларга күзәтү оештырылды.
Татарстан матбугаты залындагы күргәзмәгә төбәк тормышының төрле якларын яктырткан «Казанская газета», «Земская неделя», «Казанский телеграф», «Казанские известия» һ.б.ш. басмалар куелды. Укучыларга аларны кулларына алып, якыннан таныша алу мөмкинлеге тудырылган иде. Туган якны өйрәнүчеләр һәм, гомумән, Татарстан вакытлы матбугатын укырга теләүчеләр өчен бу залда бөтен мөмкинлекләр дә бар.
Рәхим итегез! Сезгә файдалы мәгълүмат белән хезмәт күрсәтүебезгә һәрвакыт шатбыз!