Видеосалон утырышы

2009 нчы елның 16 нчы октябрендә ТР Милли китапханәсенең сәнгать бүлегендә (Театр. ур., 5 йорт) «Бөек җырчылар» видеосалонының опера примасы Анна Нетребко иҗатына багышланган утырышы узды.
Музыка белгече Г.Ф.Юнысова бөек җырчының иҗатыннан, шәхси тормышыннан кызыклы фактлартурында сөйләде, бай видеоматериал тәкъдим итте. Болар чарада катнашучыларда зур кызыксыну уятты
Видеосалонның Ж. Оффенбах иҗатына багышланган чираттагы утырышы 2009 нчы елның декабрендә узачак. Анонслар белән Татарстан Милли китапханәсе сайтында танышып барыгыз.