Экскурсоводларга ярдәмгә Мәгълүмат көне

2015 нче елның 24 нче апрелендә ТР Милли китапханәсенең мәгълүмат-библиография бүлегендә (Кремль ур., 33 нче йорт) туризм өлкәсе хезмәткәрләре өчен «Экскурсоводларга ярдәмгә Казан һәйкәлләре турындагы мәгълүмати ресурслар» исемле Мәгълүмат көне уздырылды.

Туризм өлкәсе белгечләре Китапханә сайты ресурслары: сирәк китапларның «Меңъеллык Казан» тулы текстлы коллекциясе, «Казан һәйкәлләре» турындагы интернет-ресурсларга юл күрсәткеч, «ТР тарихи һәм мәдәни һәйкәлләре» библиографик күрсәткече, Китапханә бинасы буенча фото-видеоэкскурсияләр белән таныштылар.

Медиаресурсларга күзәтү уздырылды: «Казан сирәк китапларада», «ТР Милли китапханәсенә - 145 ел» дисклары, «Шәһәр портретына 100 штрих» коллекциясе. Экскурсоводларга Интернет челтәрендәге Казан архитектурасы турындагы аеруча әһәмияткә ия булган мәгълүмат чыганаклары тәкъдим ителде.

Мәгълүмат көне Китапханә буенча экскурсия белән төгәлләнде. Тыңлаучылар федераль дәрәҗәдәге архитектура һәйкәле булып торган – ТР Милли китапханәсе бинасының тарихы һәм архитектура үзенчәлекләре турында кызыклы мәгълүматлар алдылар.