Кеше булу сәнгате

Сезне Татарстан Республикасы Милли китапханәсенең күргәзмәләр залында ачылган «Кеше булу сәнгате» исемле китап күргәзмәсен карарга чакырабыз.
Күргәзмәгә эпиграф итеп Н.Г.Чернышевскийның «Халыкның әхлакый сыйфатлары – милләт байлыгы» сүзләре алынды. Куелган китапларда хәзерге җәмгыять өчен актуаль булган этик мәсьәләләр карала. Болар – этик тәгълимат тарихы да, социаль этика, гаилә этикасы да, төрле хәлләрдә үз-үзеңне тоту һәм аралашу этикасы да.
Күргәзмә декабрь азагына кадәр дәвам итә.