Мисыр сәнгате

Татарстан Республикасы Милли китапханәсенең сәнгать бүлегендә 2010 нчы елның 1 февраленнән 28 февраленә кадәр «Мәңгелек пирамидалар патшалыгында» дигән тематик күргәзмә эшли.
Мисыр сәнгате үзенең искиткеч гүзәл, тарихи кыйммәткә ия һәйкәлләре һәм аларны мисырлыларның кешелек тарихында беренчеләрдән булып барлыкка китерүе белән кызыклы. Мисыр монументаль таш архитектурасын, реалистик дөреслеге белән үзенчәлекле булган скульптур портретны, югары дәрәҗәдәге сәнгати һөнәрчелек эшләнмәләрен дөньяга бүләк иткән ил. Мисыр архитекторлары, скульпторлары ташны эшкәртү серләрен яхшы белгәннәр. Бу хакта алар тарафыннан төзелгән фиргавен төрбәләре – гигант пирамидалар, колонналы һәм бик киң гыйбадәтханә заллары, бербөтен кисәкле зур ташлардан ясалган обелисклар, мәһабәт монолит сыннар сөйли (Матье М. Э. Искусство Древнего Египта.– СПб., 2001. – С. 3–4).
Күргәзмәгә китаби басмалар һәм мультимедиа чыганаклар куелган. Алар «Галәм һәм җир. Мисыр энҗеләре», «Мәңгелекнең тын сакчылары» дигән бүлекләрдә бирелгән.
Сәнгать бүлегенә (Театр урамы, 5 йорт) рәхим итегез!