Ярославль шәһәренә 1000 ел

2010 елда Россия Федерациясендә Ярославль шәһәренә нигез салынуга 1000 ел тулуны киң колач белән билгеләп үтәчәкләр. Бу истәлекле дата кысаларында ил күләмендә төрле чаралар уздыру каралган.
Татарстан республикасы Милли китапханәсенең мәгълүмат-библиография бүлегендә оештырылган күргәзмә дә шушы олы юбилейга багышланган. Анда куелган белешмә басмалардан шәһәрнең бай тарихы, бүгенгесе, тарихи-истәлекле урыннары белән танышырга мөмкин.
Ярославль шәһәре Россиядәге дөньякүләм танылган “Алтын боҗра” туристик маршрутының алдынгы бер чылбыры булып тора. Күргәзмәдә “Алтын боҗра”, “Туристик маршрутлар”, “Идел буйлап елга сәяхәте” һ.б. туризмга багышланган басмалар да бар. Күренекле дата уңаеннан мәгълүмат-библиография бүлеге фондындагы белешмә басмалардан оештырылган әлеге күргәзмәдә укучыларга кызыклы һәм файдалы мәгълүматлар тәкъдим ителә.