Вакытлы матбугат бүлегендә – беренче курс студентлары

2010 елның 13 февралендә Татарстан Милли китапханәсенең вакытлы матбугат бүлеге (К.Маркс ур., 36 нчы йорт) Казан театр училищесының беренче курс студентларын үзенә чакырды.
Бүлек хезмәткәрләре, күзәтү-таныштыру рәвешендә экскурсия уздырып, аларны фонд хәзинәләре белән таныштырдылар.
Татарстан матбугаты залында урнаштырылган ике күргәзмә – «Таныш булыгыз: яңа журналлар» дип исемләнгән беренчесе һәм элеккеге Казан губернасында басылган, төбәк тормышын яктырткан газета һәм журналлардан әзерләнгән икенчесе – укучылар арасында аеруча зур кызыксыну уятты.
Шәһәребезнең югары һәм махсус уку йортларында белем алучы барлык студентларны да вакытлы матбугат бүлегенә чакырабыз. Монда килеп, үзегезне кызыксындырган теләсә нинди мәгълүматны таба аласыз.