2011 ел – Халыкара химия елы

Татарстан Республикасы Милли китапханәсенең мәгълүмат-библиография бүлегендә (Кремль ур. 33 йорт) “2011 ел – Халыкара химия елы” дип аталган китап күргәзмәсе оештырылды.

Химиянең әһәмияте елдан-ел арта. Химия өлкәсендәге белемнәр һәм аларның таралуы кешелек дөньясында әйтеп бетергесез әһәмияткә ия булган мәсьәләләрне чишүдә зур роль уйный. Шунлыктан 2011 ел Берләшкән Милләтләр Оешмасы (БМО) Генераль ассамблеясы тарафыннан Халыкара химия елы дип игълан ителгән.

Күргәзмәдәге белешмә басмалардан химия тарихы, үсеше, бу өлкәдәге галимнәрнең ачышлары, тәрҗемәи хәлләре турында мәгълүмат табарга була. Укучыларга, студентларга химия фәне буенча белемнәрен арттыруга ярдәм итә торган белешмәлекләр, ярдәмлекләр, энциклопедияләр белән танышырга мөмкин.

Күргәзмә 2011 елның март ае азагына кадәр эшләячәк. Рәхим итегез!