ЯҢАЛЫКЛАР

Татарстан Республикасының Милли китапханәсе Мәдәният министрлыгы, Республика матбугат һәм массакүләм коммуникацияләр агентлыгы белән берлектә үткәрелә торган «Ел китабы – 2015» конкурсына йомгак ясады.

2017 нчы елның 20 нче мартында 17.00 сәгатьтә Татарстан Республикасы Милли китапханәсенең Зур уку залы «Театр кунакханәсе» тамашачыларын, Россия Федерациясенең атказанган, Татарстанның халык артисткасы Исламия Мәхмүтова белән очрашуга чакыра. Кичәдә артистканың иҗатташ дуслары, хезмәттәшләре катнашачак. 

Татарстан Республикасы Милли китапханәсенең Күргәзмәләр залы (Казан, Кремль урамы, 33 нче йорт), ел саен 21 нче мартта билгеләп үтелүче Бөтендөнья шигърият көненә багышлап, «Шигырьләрдән алтын сибелә» дигән күргәзмә оештырды.

2017 нче елның 27 нче февралендә Татарстан Республикасы Милли китапханәсе хезмәткәрләре Кукмара муниципаль районының «Кукмара үзәкләштерелгән китапханәләр системасы» үткәргән төбәкара фәнни-тикшеренү укуларында катнашты.

2017 нче елның 1 нче мартында Татарстан Президенты Рөстәм Нургали улы Миңнехановка 60 яшь тулу уңаеннан Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) «Республикага һәм дөньяга мәхәббәт белән» дип аталган китап күргәзмәсе эшли башлады.

2017 елның 24 нче февралендә Татарстан Республикасы Милли китапханәсенең Зур уку залында (Казан, Кремль ур., 33) Россиянең һәм Татарстанның халык артисты Ренат Ибраһимовның «Избранное» («Сайланмалар») дип аталган китабын тәкъдир итүгә багышланган иҗат кичәсе булды.

2017 нче елның 15 нче феврале көнне Татарстанның Мәгарифне үстерү институтында республикабызның татар теле һәм әдәбияты мөгаллимнәре өчен журналистлар белән очрашу булды. Бу чараны Татарстан Республикасы Милли китапханәсенең вакытлы матбугат бүлеге хезмәткәрләре оештырды.

2017 елның 24 февралендә кичке сәгать 6.00 да Татарстан Республикасы Милли китапханәсенең Зур уку залында (Казан, Кремль ур., 33) Россиянең һәм Татарстанның халык артисты Ренат Ибраһимовның «Избранное» («Сайланмалар») дип аталган китабын тәкъдир итүгә багышланган иҗат кичәсе була.

2017 нче елның 10 нчы февралендә Татарстан Республикасы Милли китапханәсенең төп бинасында (Кремль ур., 33 йорт) Социомәдәни һәм сәнгать өлкәсе белгечләренә өстәмә һөнәри белем бирү институты тыңлаучылары өчен «Һәркем үтеп керә алырлык тирәлек» программасы: мәдәният учреждениеләрендә мөмкинлекләре чикләнгән кешеләр белән эшләү үзенчәлекләре» дип аталган Мәгълүмат көне узды.

Татарстан Республикасы Милли китапханәсенең вакытлы матбугат бүлеге хезмәткәрләре Россиядә Экология елына багышланган «Экологик белем сәгатьләре» циклыннан 2017 нче елның 9 нчы февралендә Казан шәһәре Идел буе районының 88 нче урта гомуми белем мәктәбендә чираттагы очрашу оештырды.