ЯҢАЛЫКЛАР

 ТР Милли китапханәсе сайтында интернет-ресурсларга нигезләнеп төзелгән «Казан – Россиянең спорт башкаласы» дигән яңа юлкүрсәткеч дөнья күрде. Ул ТАССР ның 100 еллык юбилеена һәм Казанда тарихта беренче тапкыр Бәйсез дәүләтләр бердәмлеге (БДБ)  илләренең спорт уеннары уздырылуга  багышланды.

Татарстан Республикасы Милли китапханәсенең мәгълүмат-библиография бүлеге сезнең игътибарга «Матурлык һәм яшь булып калу серләре» дип аталган виртуаль күргәзмә тәкъдим итә.

Татарстан Республикасы Милли китапханәсе сайтында «Әнвәр Бакиров» электрон белешмәлеге дөнья күрде. Ул Татарстан Республикасының һәм Россиянең атказанган сәнгать эшлеклесе,  Татарстанның халык артисты, Татарстан Республикасының Г. Тукай исемендәге Дәүләт бүләге иясе Әнвәр Закир улы Бакировның тууына 100 ел тулуны истә тотып төзелде.

Татарстан Республикасы Милли китапханәсенең файдаланучыларга хезмәт күрсәтү бүлеге «Диета тоту: авыртулар, аларны кисәтү, дәвалау» дип аталган виртуаль китап күргәзмәсе белән танышырга тәкъдим итә.

Татарстан Республикасы Милли китапханәсенең сәнгать бүлеге игътибарыгызга төрле-төрле кул эшләренә багышланган виртуаль күргәзмә тәкъдим итә.

Татарстан Республикасы Милли китапханәсенең татар әдәбияты һәм туган якны өйрәнү бүлеге хезмәткәрләре Фатыйх Кәриминең тууына 150 ел тулу уңаеннан  «Фатыйх Кәрими (1870 –1937)  –күренекле татар әдибе, журналист, педагог, тәрҗемәче, җәмәгать эшлеклесе» дип исемләнгән виртуаль күргәзмә әзерләде. 

Татарстан Республикасы Милли китапханәсе сайтына «Һәр юлда – тарих авазы» дигән виртуаль китап күргәзмәсе куелды. Ул революциягә кадәрге Россиянең күренекле тарихчысы Сергей Михайлович Соловьевның (1820–1879) тууына 200 ел тулуга багышланган.

Татарстан Республикасы Милли китапханәсенең вакытлы матбугат бүлеге үз сайтыннан файдаланучыларга ТАССРның 100 еллыгына багышланган «Татарстан журналлары Республиканың 100 еллыгына = Журналы Татарстана к 100-летию Республики» исемле виртуаль күргәзмә тәкъдим итә.

Китапханәбезнең тугъры дусты, Швециядә яшәүче милләттәшебез Төркәр ага Соуккан Татарстан Республикасы Милли китапханәсенең кулъязмалар һәм сирәк китаплар бүлегенә янә 57 данә кыйммәтле һәм сирәк китаплар бүләк итте, алар татар, төрек, фин, швед һәм инглиз телләрендә.

Короновирус авыруы таралу куркынычы белән бәйле рәвештә 19 марттан 15 апрельгә кадәр китапханә биналарында укучыларга хезмәт күрсәтү туктатып торыла.