Яңа электрон белешмәлек

Халкыбызның милли бәйрәменә багышланган - “Сабантуй” дип аталган яңа электрон белешмәлек дөнья күрде.

Тарихы ерак гасырларга тоташкан халык бәйрәме - Сабантуй XXI гасырда да татар милләтен таныту, аның рухи бердәмлеген, мәдәниятен, телен саклау чарасы, символы буларак яшәвен дәвам итә.

Татарның гасырларны гасырларга бәйләүче олы бәйрәме инде дөнья бәйрәменә әверелеп бара - аны бер Татарстан гына түгел, Россиянең башка төбәкләрендә дә һәм хәтта чит илләрдә дә кадерләп билгеләп үтәләр.

Тәкъдим ителә торган электрон белешмәлек халкыбызның милли бәйрәме Сабантуйны үткәрүдә ярдәмлек буларак төзелде.