Татарстан Милли китапханәсенең сәнгать бүлегендә ачык ишекләр көне

2009 елның 15 маенда Татарстан Милли китапханәсенең сәнгать бүлегендә (Театр ур., 5 йорт) зур уңыш белән музыка һәм рәсем сәнгате укытучылары өчен Ачык ишекләр көне үтте.

Чарада 80 нән артык кеше катнашты. Алар рәсем сәнгатенә, музыкага өйрәтү һәм укучыларның иҗади сәләтләрен үстерү методикасына караган яңа басмалар белән таныштылар.

Бүлек хезмәткәрләре китапханәдән файдалану кагыйдәләре буенча консультация үткәрделәр, фондларның урнашу тәртибе турында сөйләделәр, ТР Милли китапханәсенең каталоглар төзелеше белән таныштырдылар, сәнгатькә багышланган матбугатка күзәтү ясадылар.

Ачык ишекләр көненең ахырында китапханәнең Зур уку залында (Кремль ур., 33 йорт) музыка һәм рәсем сәнгате буенча яңача уку-укыту программаларын һәм методик кулланмаларны тәкъдим итү кичәсе булды.