ЯҢАЛЫКЛАР

2013 нче елның 6 нчы апрелендә Милли китапханәнең вакытлы матбугат бүлегендә Икътисад һәм сәясәт институтының 1 курс студентларына икътисад темасын яктырта торган газета һәм журналларга күзәтү оештырылды.

Сәламәт яшәү рәвеше – хәзерге заманның иң мөһим проблемаларыннан берсе. Тәмәке тартуның һәм хәмерле эчемлекләр куллануның сәламәтлеккә зыяны турында вакытлы матбугат битләрендә дә еш язалар.

2013 елның 3 апрелендә Татарстан Республикасы Милли китапханәсенең сәнгать бүлеге, вакытлы матбугат бүлеге һәм мәгълүмат-библиография бүлеге, уку-тикшеренү эшчәнлегенең нәтиҗәлелеген күтәрү һәм мәгълүмати тәэмин итү максаты белән, КДТУның диплом язучы студентлары өчен комплекслы Мәгълүмат көне уздырды.

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт), Татарстан Республикасының Г.Тукай исемендәге Дәүләт премиясе гамәлгә куелуга 55 ел тулу уңаеннан, «Сөй гомерне, сөй халыкны, сөй халыкның дөньясын» дип исемләнгән китап күргәзмәсе ачылды.

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт), татар халык шагыйре, публицист, җәмәгать эшлеклесе, тәнкыйтьче һәм тәрҗемәче Габдулла Тукайның (1886 – 1913) тууына 127 ел уңаеннан, китап күргәзмәсе ачылды .

2013 нче елның 1 нче апрелендә Г.Камал исемендәге Татар дәүләт академия театры бинасында Татарстанның халык язучысы Рабит Батулланың 75 яшьлек юбилеена багышланган әдәби-музыкаль кичә булды. Татарстан Республикасы Милли китапханәсенең татар әдәбияты һәм туган якны өйрәнү бүлеге хезмәткәрләре, шушы вакыйга уңае белән, театр фойесында «Милләтебезнең игелекле улы» дип исемләнгән күргәзмә оештырды.

3 апрельдә Икътисад, идарә һәм хокук институты каршындагы көллият студентлары өчен «Китапханә – мәгълүмат үзәге» дип аталган мәгълүмат көне уздырылды.

Татарстан Республикасы Милли китапханәсенең вакытлы матбугат бүлегендә «Тукай вакытлы матбугатта» дигән күргәзмә оештырылды.

Татарстан Республикасы Милли китапханәсенең патентлар бүлегендә (Казан, К.Маркс ур., 36 нчы йорт) «Стройэксперт-Кодекс» мәгълүматлар базасы составына кергән, торак-коммуналь хуҗалык мәсьәләләрен яктырткан документларның тематик блогы 2013 нче елның I нче кварталына булган яңалыклар һәм үзгәрешләр белән актуальләштерелде.

2013 нче елның 1 нче апреленнән ТР Милли китапханәсенең патентлар бүлегендә (Казан, К.Маркс ур., 36 нчы йорт) «Товар билгесе турында ниләр белергә кирәк?» дип исемләнгән күргәзмә эшли башлады.