ЯҢАЛЫКЛАР
Татарстан Республикасы Милли китапханәсенең мәгълүмат-библиография бүлеге белешмә басмалардан торган виртуаль күргәзмә тәкъдим итә.
Татарстан Республикасы Милли китапханәсенең татар әдәбияты һәм туган якны өйрәнү бүлеге хезмәткәрләре «Татар зыялылары» дип аталган виртуаль күргәзмә әзерләде.
Татар һәм башкорт әдәбиятлары классигы, ХХ йөз башы татар милли шигъриятен һәм прозасын үстерүгә зур өлеш керткән, тормышчан әсәрләре белән халык күңелендә уелып калган Мәҗит Гафуриның тууына 2020 елның 1 августында 140 ел булды.
Татарстан Республикасы Милли китапханәсенең кулъязмалар һәм сирәк китаплар бүлегендә сакланучы тарихи документларны өйрәнү һәм тасвирлау барышында Татарстан АССР төзелүнең беренче елларына караган яңа фотодокументлар табылды.
Татарстан Республикасы Милли китапханәсенең вакытлы матбугат бүлеге, ТАССР төзелүгә 100 ел тулу уңае белән, «ТАССР төзелү: гасыр тарихы» дигән виртуаль күргәзмә тәкъдим итә.
Милли китапханәдә «Татарстанның истәлекле һәм онытылмас даталар календаре» 1950 нче еллар ахырыннан бирле чыгып килә. Китапханәнең мәгълүматка бик бай бу басмасында республикабызның, татар халкының иҗтимагый, сәяси, мәдәни тормышындагы төп вакыйгалар һәм фактлар, шулай ук күренекле шәхесләрнең – язучылар, фән, мәгариф, мәдәният һәм сәнгать эшлеклеләренең – юбилейлары чагылыш таба.
Татарстан Республикасы Милли китапханәсенең сәнгать бүлеге, ТАССР оешуга 100 ел тулуга багышланган виртуаль күргәзмәләр циклын дәвам итеп, сезнең игътибарга Татарстанда сынлы сәнгать үсеше, Татарстанның танылган рәссамнары тормышы һәм иҗаты турында күргәзмә тәкъдим итә.
Татарстан Республикасы Милли китапханәсе һәм аның «Милли китап» нәшрияты тарафыннан нәшер ителә торган «Татар археографиясе» сериясендә 25 нче китап дөнья күрде. «Бөек Ватан сугышы хатлары, солдат хатирәләре» («Хатлар, хатирәләр») исемле әлеге китап Бөек Җиңүнең 75 еллыгына багышланган.
2020 елның 21 июлендә «Сугыш. Язмыш. Китапханә» дип аталган республикакүләм конкурска йомгак ясалды. Ул 1941–1945 еллардагы Бөек Ватан сугышында Җиңүнең 75 еллыгына багышланган чаралар кысаларында Татарстан Республикасы Милли китапханәсе тарафыннан оештырылды.
Татарстан Республикасы Милли китапханәсе коллективы Сөембикә Разил кызы Җиһаншинаны Татарстан Республикасының мәдәният министры урынбасары вазыйфасына билгеләнүе белән тәбрик итә!