ЯҢАЛЫКЛАР

1июньдә билгеләп үтелә торган Халыкара балаларны яклау көне уңаеннан Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) һәм аның территориаль органнары ел саен «Интернет» челтәрләрендә балаларның үзләрен куркынычсыз тотулары һәм балигъ булмаганнарның шәхси мәгълүматларын яклауга багышланган чаралар үткәрә.

2020 елның 29 маенда татар галиме, китап белгече, библиограф, филология фәннәре докторы, Татарстан Фәннәр академиясенең хакыйкый әгъзасы, ТАССРның атказанган фән эшлеклесе, Татарстан Республикасының Габдулла Тукай исемендәге Дәүләт бүләге лауреаты, Кол Гали исемендәге халыкара бүләк лауреаты Әбрар Гыйбадулла улы Кәримуллинның (1925-2000) тууына 95 ел тулды.

Россия Федерациясе Президенты Указы нигезендә 2018–2027 еллар «Балачак унъеллыгы» дип игълан ителде. Шул уңайдан һәм Балаларны халыкара яклау көненә карата Татарстан Республикасы Милли китапханәсенең вакытлы матбугат бүлеге хезмәткәрләре «Балачак – бәхет иле» исемле виртуаль күргәзмә әзерләде.

Язучы, шагыйрь, Бөек Ватан сугышы ветераны, Бухенвальд-Дор фашист концлагерьларындагы фашизмга Каршылык хәрәкәте каһарманы, күпләргә билгеле «Яшәү белән үлем арасында», «Җимерелгән бастион» әсәрләре авторы Нәби Дәүлинең тууына 2020 елның 1 июнендә 110 ел тула.

Сезне һөнәри бәйрәм – Гомумроссия Китапханәләр көне белән ихлас күңелдән котлыйбыз!

Татарстан Республикасы Милли китапханәсенең вакытлы матбугат бүлеге (Казан, К.Маркс ур., 36 нчы йорт) Гомумроссия Китапханәләр көненә багышланган «Бергә укыйбыз» исемле виртуаль күргәзмә тәкъдим итә.

Татарстан Республикасы Милли китапханәсе үзенең укучыларына Россия Банкы тарафыннан Җиңүнең 75 еллык юбилеена әзерләнгән виртуаль күргәзмә тәкъдим итә.

24 майда киң җәмәгатьчелек Славян язуы һәм мәдәнияте көнен, ә 6 июньдә − Рус теле көнен билгеләп үтә. Татарстан Республикасы Милли китапханәсенең  мәгълүмат-библиография бүлеге әлеге мөһим даталарга багышлап «Тел – цивилизация һәм мәдәният юлы: МББ фондындагы аңлатмалы сүзлекләр» дигән берләштерелгән виртуаль күргәзмә әзерләде.

2020 елның 15 маенда язучы-прозаик, хикәяче, Татарстанның атказанган мәдәният хезмәткәре Мәгъсүм Хәмит улы Хуҗинның тууына 90 ел тулды.

10 майда күренекле музыка белгече, Татарстанның атказанган сәнгать эшлеклесе, Г.Тукай исемендәге Дәүләт премиясе лауреаты, профессор Мәхмүт Нигъмәтҗан улы Нигъмәтҗановка 90 яшь тулды.