ЯҢАЛЫКЛАР

Бөек Җиңү бәйрәме һәм Россия Федерациясендә Әдәбият елы уңаеннан ТР Милли китапханәсе сайтында «Бөек җиңү. Бөек Ватан сугышында катнашкан Татарстан язучылары» электрон белешмәлеге яңартылды.

Бөек Җиңүнең 70 еллыгы уңаеннан 2015 елның 6 нчы маенда Татарстан язучылары берлегендә фронтовик-язучыларның гаиләләре белән очрашу булды. Әлеге чарада эзтабар-язучы Самат Шакир кызы, ТР Милли китапханәсенең мәгълүмат-библиография бүлеге хезмәткәре Зөбәрҗәт Самат кызы Нуриева да катнашты.

Без, бүгенге буын кешеләре, якты дөньяда тыныч яшәвебез белән Бөек Ватан сугышы каһарманнарына һәм ул авыр елларның йөген җигелеп тарткан тыл ветераннарына бурычлы. Быел Җиңүгә 70 ел тула. Бөек Ватан сугышы ветераннарының сафлары сирәгәйгәннән-сирәгәя бара. Тылда көнне-төнгә ялгап эшләгән буын да китеп бара. Үсмер вакыттан ук хезмәткә җигелгән буын да тугызынчы дистәсен ваклый. Вакыт үзенекен итә. Әмма, беркем дә, бернәрсә дә онытылырга тиеш түгел.

2015 нче елның 24 нче апрелендә ТР Милли китапханәсенең мәгълүмат-библиография бүлегендә (Кремль ур., 33 нче йорт) туризм өлкәсе хезмәткәрләре өчен «Экскурсоводларга ярдәмгә Казан һәйкәлләре турындагы мәгълүмати ресурслар» исемле Мәгълүмат көне уздырылды.

2015 нче елның 24 нче апрелендә ТР Милли китапханәсенең фәнни-методик һәм мәгълүмат-библиография бүлекләре тарафыннан ҮКС китапханәчеләре – Социомәдәни өлкә һәм сәнгать белгечләренә өстәмә һөнәри белем бирү (квалификация күтәрү) институты тыңлаучылары өчен «Әдәбият елы: китапханә эшчәнлегенең формасы һәм алымнары» дип аталган семинар уздырылды.

2015 нче елның 23 нче апрелендә 14.00 сәгатьтә Татарстан Республикасы Милли китапханәсенең Зур уку залы «Дәрья» әдәби кунакханәсе тамашачыларын Татарстанның халык язучысы Зиннур Мансуров белән очрашу кичәсенә чакыра.

2015 нче елның 16 нчы апрелендә Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәре Идел буе районының татар телендә белем бирүче 18 нче номерлы гимназиясендә (Казан, Кол Гали ур.,13 нче йорт) 1 нче сыйныф укучылары белән очрашты.
Очрашу татар халкының сөекле улы Габдулла Тукайның туган көненә багышлап уздырылды.

Театр кунакханәсенә рәхим итегез!

2015 нче елның 14 нче апрелендә 17.00 сәгатьтә Татарстан Республикасы Милли китапханәсенең Зур уку залы «Театр кунакханәсе» тамашачыларын Россиянең һәм Татарстанның халык артисткасы Дания Нургаяз кызы Нуруллина белән очрашуга чакыра.

Татарстан Республикасы Милли китапханәсенең 150 еллык юбилеена багышлап сирәк китаплар һәм кулъязмалар бүлеге әзерләгән «И.А.Второв. Әсәрләр: шигырьләр һәм проза» дигән китап басылып чыкты.
Второв И.А. Сочинения: стихотворения и проза / И.А.Второв; Национальная библиотека Республики Татарстан; сост. Р.К.Юнусова; науч. ред. Е.И.Карташева; отв. ред. И.Г.Хадиев. – Казань: Милли китап, 2014. – 148 с.

2015 нче елның 2 нче апрелендә Татарстан Республикасы Милли китапханәсендә «Театр кунакханәсе» Габдулла Кариев исемендәге Казан Татар дәүләт яшь тамашачы театры артистлары белән очрашу үткәрде.