ЯҢАЛЫКЛАР

2013 нче елның март аенда Татарстан Республикасы Милли китапханәсенең укучыларга хезмәт күрсәтү бүлеге (Казан, Кремль ур., 36 нчы йорт) фондлардан файдаланучылар игътибарына актуаль темаларга әдәбият җыелмалары тәкъдим итә.

2013 нче елның 15 нче февраленнән Татарстан Республикасы Милли китапханәсенең Зур уку залында «Гыйлем һәм мәрхәмәт иясе» дип аталган, Хәсәнгата Габәшиның тууына 150 ел тулуга багышланган күргәзмә эшли башлады. Аны кулъязмалар һәм сирәк китаплар бүлеге хезмәткәрләре туплады.

Татарстан Республикасы Милли китапханәсенең вакытлы матбугат бүлеге (Казан, К.Маркс ур., 36 нчы йорт) Ватанны саклаучылар көне һәм Сталинград сугышында җиңүгә 70 ел тулу уңае белән «Бөек борылыш» дип исемләнгән күргәзмә тәкъдим итә.

Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәренең 10 нчы номерлы гимназиясендә булып, укучыларны Татарстанда басылучы газета-журналлар белән таныштырды.

Татарстан Республикасы Милли китапханәсе хезмәткәрләре «Татарстан халыкларының мәдәни-әхлакый байлыгы» дип аталган фәнни-гамәли конференция эшендә катнашкан Казан мәктәпләре укучыларының иҗади эшләрен бәяләде.

Казан федераль университетының журналистика факультеты студентлары «Ватаным Татарстан» газетасының 95 еллыгы уңаеннан Татарстан Республикасының Милли китапханәсендә газета редакциясе хезмәткәрләре белән очраштылар. Очрашуны китапханәнең вакытлы матбугат бүлеге оештырды.

2013 нче елның 13-15 нче февраль көннәрендә Ульян өлкәсенең Иске Кулатка районынында мәдәният хезмәткәрләре семинары булып узды. Аның эшендә Татарстан Республикасы Милли китапханәсе һәм Республика балалар китапханәсе хезмәткәрләре дә катнашты.

11 февральдә Татарстан Республикасы Милли китапханәсенең мәгълүмат-библиография бүлегендә Казан мәдәният университетының 3 нче курс студентларына китапханәнең китап фондларына ачык онлайн керү мөмкинлеге тәкъдим ителде.

ТР Милли китапханәсенең сәнгать бүлеге (Казан, Театр ур., 5 нче йорт) җәмәгатьчелек игътибарына 2013 нче елның 9 нчы февраленнән бөек рус җырчысы Ф.И.Шаляпинның (1873-1938) тууына 140 ел тулуга багышланган күргәзмә тәкъдим итә.

Ислам университеты студентлары өчен 7 нче февральдә ачык ишекләр көне үткәрелде.