ЯҢАЛЫКЛАР

2015 нче елның февраль аенда Татарстан Республикасы Милли китапханәсенең «Милли китап» нәшриятында «Гаделлек һәм әхлак сагында» дип аталган методик ярдәмлек дөнья күрде.

Татар халкының бөек җырчысы, Татарстанның һәм Россиянең халык артисты, Г.Тукай исемендәге Дәүләт премиясе лауреаты Илһам Шакировка 80 яшь тулды. Шушы уңайдан вакытлы матбугат битләрендә «халкыбызның илһамы» турында күп мәкаләләр басылды. Татарстанның халык язучысы Гәрәй Рәхимнең «Казан утлары» журналында басылган (2015 елның 2 нче саны)«Халкыбызның горурлыгы» исемле язмасын укырга тәкъдим итәбез.

Татарстан Республикасы Милли китапханәсенең мәгълүмат-библиография бүлегендә (Казан, Кремль ур., 33 нче йорт) 8 Март Халыкара хатын-кызлар көненә багышланган күргәзмә куелды.

2015 нче елның 27 нче февралендә Татарстан Республикасы Милли китапханәсенең Зур уку залында язучы, тәрҗемәче, шагыйрь Равил Бохараевның Санкт-Петербургтагы «Алетея» нәшриятында рус телендә басылып чыккан «История российского мусульманства: беседы о Северном исламе» дип аталган китабын тәкъдир итү кичәсе үтте.

2015 нче елның 26 нчы февралендә Татарстан Республикасы Милли китапханәсенең Зур уку залы «Театр кунакханәсе» тамашачыларын кабул итте. Бу очрашуда Кәрим Тинчурин исемендәге Татар дәүләт драма һәм комедия театры артистлары белән бергә «Заманча Шекспир» дип исемләнгән әдәби-театраль кичә үткәрелде.

19 нчы февраль көнне Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәренең Вахитов районына караган 18 нче мәктәбендә (Казан, Мөштәри ур., 6 нчы йорт) укучылар һәм укытучылар белән очраштылар.

2015 нче елның 19 нчы феврале көнне Татарстан Республикасы Милли китапханәсенең вакытлы матбугат бүлеге хезмәткәрләре, Әдәбият елы һәм Җиңүнең 70 еллыгы уңаеннан, Казан шәһәренең Вахитов районына караган 18 нче мәктәбендә укучылар белән очраштылар.

10 февраль көнне Ульяновск өлкәсенең Иске Кулатка шәһәр тибындагы бистәсендә шушы районның Үзәк китапханәсенә бөек татар шагыйре Габдулла Тукай исемен бирү тантанасы булды. Әлеге күркәм бәйрәмдә Татарстан Республикасы Милли китапханәсе вәкиле дә катнашты.

2015 нче елның 11 нче февралендә Татарстан Республикасы Милли китапханәсенең татар әдәбияты һәм туган якны өйрәнү бүлеге, «Сугыш чоры балалары» ветераннар иҗтимагый оешмасы белән берлектә, «Сугыш чоры балалары» дип аталган китапны тәкъдир итү кичәсе үткәрде.