ЯҢАЛЫКЛАР

10 нчы сентябрьдә ТР Милли китапханәсендә РФ эчке гаскәрләренең мәдәни-ял итү эше җитәкчеләре өчен «Китапханәдә мәгълүмати технологияләр» дип исемләнгән мәгълүмати-методик семинар узды.

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33) «Сак булыгыз, экстремизм!» дип аталган китап күргәзмәсе ачылды.

28 август көнне Татарстан Республикасы Милли китапханәсендә Төрки телле әдәби журналлар форумы ачылды һәм аның беренче утырышы үтте. Әлеге форум кысаларында Милли китапханәнең Зур уку залында (Казан, Кремль ур., 33 нче йорт) «Төрки-татар әдәби журналлары тарихыннан (ХХ гасырдан ХХI гасырга...)» дип аталган бик кызыклы күргәзмә ачылды.

Россиянең хәзерге заман тарихы дәүләт музее (Мәскәү шәһәре) залларында 21 нче августтан 3 нче сентябрьгә кадәр «Рухи мирасыбыз җәүһәрләре» («Сокровища духовного наследия») дип аталган күргәзмә эшләячәк. Аның шактый күләмле бер өлешен Татарстан Республикасы Милли китапханәсенең кулъязмалар һәм сирәк китаплар бүлеге фондында саклана торган язма һәм басма истәлекләр тәшкил итәчәк.

Татарстан Республикасы Милли китапханәсе нәшер итә торган «Татар археографиясе» сериясеннән археограф, текстолог Раиф Мәрдановның «Без плиндә ятамыз читлектәге кош кебек...» дип аталган чираттагы 13 нче китабы дөнья күрде.

Беренче бөтендөнья сугышы башлануга 100 ел тулу уңае белән Татарстан Республикасы Милли китапханәсенең вакытлы матбугат бүлегендә 1 нче сентябрьдән 30 нчы сентябрьгә кадәр «Казан губернасында яшәгән халыклар Беренче бөтендөнья сугышында» исемле күргәзмә торачак.

Татарстан Республикасы Милли китапханәсенең редакция-нәшрият бүлеге хезмәткәре, археограф-галим, гарәби язмалар белгече, филология фәннәре кандидаты Раиф Фәтхелбәян улы Мәрдановның 25 еллык гыйльми хезмәте нәтиҗәләрен туплаган библиографик күрсәткеч дөнья күрде.

Татарстан Республикасы Милли китапханәсенең вакытлы матбугат бүлеге (Казан, К.Маркс ур., 36 нчы йорт) «Казан – төрки дөньяның 2014 елгы мәдәни башкаласы» дип аталган циклдан күргәзмәләр сериясен дәвам итә.

Татарстан Республикасы мәдәният министрлыгы һәм Татарстан Республикасы Милли китапханәсе 2014 нче елның 18 нче июлендә Милли китапханәнең төп бинасында (Казан, Кремль ур., 33 нче йорт) Дүртенче мемориаль Ә.Г.Кәримуллин укулары уздырдылар.

Беренче бөтендөнья сугышы башлануга 100 ел тулу уңае белән Татарстан Республикасы Милли китапханәсенең кулъязмалар һәм сирәк китаплар бүлеге хезмәткәрләре тарафыннан «Кичке шәфәкъ нурларын кызартты канкоешлы сугыш афәте...» исемле күргәзмә оештырылды.