ЯҢАЛЫКЛАР

Татарстан Республикасы Милли китапханәсенең вакытлы матбугат бүлеге (Казан, К.Маркс ур., 36 нчы йорт) китапханә хезмәтләреннән файдаланучылар игътибарына «Яраткан шәһәрем, туган шәһәрем» дип аталган күргәзмә тәкъдим итә.

Татарстан Республикасы Милли китапханәсенең Зур уку залында язучы, тәрҗемәче, журналист Зариф Шәрәфетдин улы Бәширинең (1888–1962) тууына 125 ел тулуга багышланган күргәзмә куелды. Аны кулъязмалар һәм сирәк китаплар бүлеге хезмәткәрләре әзерләде.

Тагын берничә көннән Казанда башланачак Универсиада уңаеннан Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) «Спорт калейдоскобы» дип исемләнгән китап күргәзмәсе ачылды.

6-17 нче июль көннәрендә Казанда узачак Бөтендөнья Җәйге Универсиада уңае белән Татарстан Республикасы Милли китапханәсенең вакытлы матбугат бүлеге «Дуслыкта һәм татулыкта ярыш» дип исемләнгән күргәзмә тәкъдим итә.

Татарстан Республикасы Милли китапханәсенең республика китапханәләрен китап белән тәэмин итү бүлекчәсенә Рабит Батулланың Рудольф Нуриевка багышланган «Одержимый танцами» кинороманы һәм «Тылсымлы сәхифәләр» дигән балалар китаплары сериясеннән «Татармультфильм» нәшриятында басылып чыккан рәсемле басмалар килде.

Татарстан Республикасы Милли китапханәсенең кулъязмалар һәм сирәк китаплар бүлеге китап сөючеләргә танылган тарихчы, Санкт-Петербург дәүләт университеты профессоры В.Е.Возгринның «История крымских татар: Очерки этнической истории коренного народа Крыма» («Кырым татарлары тарихы: Кырымдагы җирле халыкның этник тарихы буенча очерклар») дип аталган дүрт томлык гыйльми хезмәтен тәкъдим итә.

Татарстан Республикасы Милли китапханәсендә (Казан шәһәре, Кремль урамы, 33 нче йорт), студентларның Казанда узачак XXVII нче Бөтендөнья Җәйге Универсиадасына багышлап, «Татарстанның спорт казанышлары» дип аталган күргәзмә эшли.

ТР Милли китапханәсенең сәнгать бүлеге китапханәдән файдаланучылар игътибарына күренекле композитор Т.Н.Хренниковның (1913-2007) тууына 100 ел тулуга багышланган күргәзмә тәкъдим итә.

Ел саен 5 нче июньдә Бөтендөнья әйләнә-тирә мохитне саклау көне билгеләп үтелә, Россиядә әлеге көн экологлар бәйрәме буларак та үзенчәлекле. Шушы бәйрәм уңаеннан Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) «Яратырга, кадерен белергә һәм сакларга» дип исемләнгән китап күргәзмәсе ачылды.

2013 нче елның 30 нчы маенда Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 нчы йорт) Казан педагогия колледжының француз мәдәнияте белән кызыксынучы студентлары өчен кичә узды.