ЯҢАЛЫКЛАР
2020 елның 17 мартында Татарстан Республикасы Фәннәр академиясе бинасының Кече залында (Казан шәһәре, Бауман урамы, 20 йорт) «Рәшит Ваһапов фестивале һәм татар җыр сәнгате: тарих баскычлары, бүгенге торышы һәм үсеш юллары» дигән Халыкара фәнни-гамәли конференция булып узды. Анда татар җыр сәнгатенең, милли эстрадабызның тарихы һәм бүгенге проблемалары турында галимнәр, артистлар, продюсерлар, аспирантлар, студентлар фикер алышты. Конференция программасына 29 чыгыш кертелгән иде.
2020 елның март аенда Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 йорт) «Фильмнарга күчкән танылган китаплар» дип исемләнгән китап күргәзмәсе уза.
Сәламәт яшәү рәвеше – заман таләбе. Шушы уңайдан, 2020 елның 14 мартында Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәренең татарча белем бирүче 15 нче номерлы гимназиясендә 5 нче сыйныф укучылары белән очрашуда булып кайтты.
2020 елның 14 мартында Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 йорт) балалар һәм яшүсмерләр өчен инглиз теле клубының чираттагы очрашуы узды.
2020 елның 12 мартында Татарстан Республикасы Милли китапханәсенең кулъязмалар һәм сирәк китаплар бүлегенә ветеран журналист, җәмәгать эшлеклесе, Татарстанның атказанган мәдәният хезмәткәре Роза Туфитуллова килде.
Татарстан Республикасы Милли китапханәсе сайтында «Нәкый Исәнбәт» электрон белешмәлеге тулыландырылды.
2020 елның 11 мартында Татарстан Республикасы Милли китапханәсенең патентлар бүлегендә (Казан, К.Маркс ур., 36 йорт) Казан Милли тикшеренү технология университетының 4 курс студентлары өчен «Патент мәгълүматының рәсми чыганаклары» дигән тематик күзәтү үткәрелде.
2020 елның 10–11 март көннәрендә Татарстан Республикасы Милли китапханәсенең татар әдәбияты һәм туган якны өйрәнү бүлеге (Казан шәһәре, Кремль урамы, 33 нче йорт) хезмәткәрләре В.Г. Тимирясов исемендәге Казан инновацион университеты каршында урнашкан колледж (Казан шәһәре, М.Гафури урамы, 71 йорт) студентларына ТАССР оештырылуга 100 ел тулу уңаеннан «Казан шәһәренең тарихи һәм мәдәни һәйкәлләре» дигән темага мәгълүмат сәгате үткәрде.
Ел саен бөтен дөньяда Халыкара Франкофония бәйрәме билгеләп үтелә. Шушы уңайдан Татарстан Республикасы Милли китапханәсенең чит телләрдәге әдәбият бүлеге (Казан, К.Маркс ур., 36 йорт) хезмәткәрләре Казан (Идел буе) федераль университеты укытучылары һәм студентлары белән очрашу уздырды. Кунакларга китапханә һәм бүлек буенча виртуаль экскурсия үткәрелде. 7 меңнән артык документ тупланган Француз телендәге әдәбият фонды турында әйтелде, чит илләрнең Gallimard, Larousse, Robert һ.б. алдынгы нәшриятлары күргәзмәдә тәкъдим ителде.
Татарстан Республикасы Милли китапханәсенең сирәк китаплар һәм кулъязмалар бүлегендә халык шагыйре Хәсән Туфан тормышына һәм иҗатына кагылышлы кулъязма һәм фото документлар саклана.