ЯҢАЛЫКЛАР
2020 елның 17 февралендә Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 йорт) испан телен өйрәнергә теләүчеләр өчен дәресләр башланды.
16 февральдә Татарстан Республикасы Милли китапханәсенең сәнгать бүлегендә (Казан, Театр ур., 5 йорт) «Дөнья музыка мәдәниятенең алтын фонды» ретро-кинозалы кысаларында бөек артист, опера җырчысы Фёдор Иванович Шаляпин турындагы «Бөек Шаляпин» документаль фильмы күрсәтелде. Ул 13 февраль – Ф.И.Шаляпинның туган көненә һәм бу көннәрдә Казанда узучы Ф.И.Шаляпин исемендәге Халыкара опера фестиваленә багышланган иде.
Ватанны саклаучылар көне – ир-егетлəрнең намус, абруй һәм кыюлык шикелле сыйфатларга ия булуын раслый торган бәйрәм. Традицион рәвештә әлеге бәйрәм белән илебез сагында торучы кыю, курку белмәс көчле затларны котлыйлар. Шушы истәлекле вакыйга уңаеннан 2020 елның 16 февралендә Татарстан Республикасы Милли китапханәсенең вакытлы матбугат бүлеге хезмәткәрләре «Бүләккә шоколадлы открытка» ясау буенча мастер-класс үткәрде.
2020 елның 13 февралендә Татарстан Республикасы Милли китапханәсенең чит телләрдәге әдәбият бүлеге хезмәткәрләре Казан шәһәре 5 нче лицееның 3 нче сыйныф укучылары өчен, «Мин – укучы» әдәби проекты кысаларында Э.Т.А.Гофман (1776–1822) иҗатына багышлап, Китапханә дәресе үткәрделәр.
Татарстан Республикасы Милли китапханәсенең патентлар бүлегендә (Казан, К.Маркс ур., 36 йорт) 13 февральдә Казан милли тикшеренү технология университетының 1 курс студентлары өчен «Уйлап табуларның халыкара классификациясе» дигән темага гамәли дәрес узды.
2020 елның 11 февралендә Татарстан Республикасы Милли китапханәсенең патентлар бүлегендә (Казан, К.Маркс ур., 36 йорт) Казан милли тикшеренү технология университетының 2 курс студентлары белән «Патент мәгълүматын эзләү.
2020 елның 10 февраленнән 25 февраленә кадәр Татарстан Республикасы Милли китапханәсенең икенче бинасындагы уку залында (Казан, К.Маркс ур., 36 йорт) вакытлы матбугат бүлеге хезмәткәрләре тарафыннан әзерләнгән, «Ватан өчен – илем өчен» дип исемләнгән күргәзмә эшли. Ул «Россиянең Хәрби дан көннәре» циклыннан, Ватанны саклаучылар көненә багышланган.
2020 елның 7 февралендә Татарстан Республикасы Милли китапханәсенең фәнни-методик бүлеге муниципаль китапханәләр хезмәткәрләре өчен «Яңа буын китапханәсе. «Мәдәният» милли проекты кысаларында модельле муниципаль китапханәләр булдыруга конкурста катнашу өчен документлар әзерләү» дип исемләнгән семинар уздырды.
2020 елның 1 февраленнән 29 февраленә кадәр Татарстан Республикасы Милли китапханәсенең чит телләрдәге әдәбият бүлеге (Казан, К.Маркс ур., 36 йорт) барлык теләүчеләрне «Белемгә нигезләнгән икътисад» дип аталган китап күргәзмәсенә чакыра.
Татарстан Республикасы Милли китапханәсенең патентлар бүлегендә (Казан, К.Маркс ур., 36 йорт) 2020 елның февраль ае дәвамында «Системалы инновацион икътисад» дигән күргәзмә эшли.