ЯҢАЛЫКЛАР
3 нче мартта ТР Милли китапханәсенең мәгълүмат-библиография бүлеге тарафыннан Казан дәүләт архитектура-төзелеш университетының реставрацияләү һәм мәдәни мирас факультеты студентлары өчен Мәгълүмат көне уздырылды.
Татарстан Республикасы Милли китапханәсенең татар әдәбияты һәм туган якны өйрәнү бүлеге хезмәткәрләре катнашында Казан шәһәренең Совет районы 174 нче санлы мәктәбендә язучы Җәүдәт Дәрзаманның 70 яшьлек юбилее уңаеннан укучылар конференциясе булды.
Китапханәнең «Милли китап» нәшриятында кичәләрдән истәлекле мизгелләрне чагылдырган «Милли китапханәнең «Театр кунакханәсе»нә рәхим итегез!» исемле фотоальбомның икенче чыгарылышы дөнья күрде.
2016 нчы елның 17 нче февраленда Татарстан Милли китапханәсенең татар әдәбияты һәм туган якны өйрәнү бүлегендә татар халкының каһарман улы, мәшһүр шагыйрь Муса Җәлилнең тууына 110 ел тулуга багышланган кичә үтте.
Казанда беренче рәсми татар китапханәсе ачылуга 110 ел тулды. 1906 нчы елның 15 нче гыйнварында (иске стиль белән 2 нче гыйнвар) шәһәрдә мөселманнар өчен беренче җәмәгать китапханәсе «Көтепханәи Исламия» ачыла.
2016 нчы елның 15 нче февралендә Татарстан Республикасы Милли китапханәсе мәшһүр татар шагыйре, Ленин премиясе лауреаты, Советлар Союзы Герое Муса Җәлилнең (1906–1944) тууына 110 ел тулуга багышланган, Кырым һәм Татарстан Республикалары, Волгоград өлкәсе вәкилләре белән берлектә узган Интернет-күпердә катнашты.
12 нче февральдә ТР Милли китапханәсендә «Балалар укуы мәйданчыгы һәм балачакның иҗтимагый институты буларак балалар китапханәсе» темасына багышланган мәгълүмати-методик семинар кысаларында «Китапханәләр өчен норматив документлар һәм мультимедиа ресурслар» дип исемләнгән мәгълүмат көне узды.
Узган ел халкыбыз Бөек Җиңүнең 70 еллыгын һәм Әдәбият елын зурлап, истәлекле итеп билгеләп үтте. Шунысы куанычлы: әлеге зур бәйрәмнәрне Россия Киносы елы дип игълан ителгән 2016 ел дәвам итә. Бу үзенчәлекле елда беренче истәлекле вакыйга – татар халкының бөек улы, атаклы шагыйрь, Бөек Ватан сугышының каһарманы Муса Җәлилнең 110 еллыгына туры килә.
2016 нчы елның 15 нче февралендә күренекле татар шагыйре, Советлар Союзы Герое Муса Җәлилнең тууына 110 ел тула. Муса Җәлилнең төрле телләрдә басылып чыккан шигырьләре бөтен дөньяга танылды. Татар шагыйрьләреннән беренчеләрдән булып ул 1957 нче елда «Моабит дәфтәрләре» дип аталган шигырьләр циклы өчен Ленин исемендәге премия белән бүләкләнде.
2016 нчы елның 2 нче февралендә Татарстан Республикасы Милли китапханәсе вәкилләре Татарстан Республикасы мәдәният министрлыгының 2015 нче елгы эшчәнлеге нәтиҗәләренә багышланган һәм 2016 нчы елга бурычлар билгеләгән киңәйтелгән коллегиясе эшендә катнашты.