ЯҢАЛЫКЛАР

2013 нче елның 7 нче сентябрендә Татарстан Республикасы Милли китапханәсенең патентлар бүлегендә (Казан, К. Маркс урамы, 36 нчы йорт) Казан милли тикшеренү технология университеты магистрлары өчен тематик күзәтү оештырылды.

4 нче сентябрь көнне Татарстан Республикасы Милли китапханәсенә хаҗия Әминә Әдилнең «Мөхәммәд, Ислам илчесе: аның тормышы һәм пәйгамбәрлеге» китабын бүләк итеп тапшырдылар.

2013 нче елның 4 нче сентябрендә Татарстан Милли китапханәсенең патентлар бүлеге (Казан, К. Маркс урамы, 36 нчы йорт) уку залында «Патент белеме һәм интеллектуаль милекне саклау» исемле курсның беренче кереш дәресләре бирелде.

Язмышлары Казан тарихы белән бәйле булган күп кенә танылган һәм күренекле шәхесләренең 2013 елда юбилейлары билгеләп үтелә. Шулар арасыннан Л.Н. Толстой (1828 – 1910) һәм А.М. Бутлеровның (1828 – 1886) тормыш юлы һәм эшчәнлегенә багышланган, «Казан белән тыгыз бәйләнгәннәр» дип исемләнгән китап күргәзмәсе Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) ачылды.

Татарстан Республикасы Милли китапханәсенең редакция-нәшрият бүлеге «Китапханә хәбәрләре=Библиотечный вестник» фәнни-гамәли журналының яңа саны (2013. – №1(35)) белән танышырга тәкъдим итә.

Сентябрь башында бер-берсенә тыгыз бәйләнгән ике бәйрәм – 1 сентябрьдә – Белем көне, 8 нче сентябрьдә – Халыкара грамоталылык көне билгеләп үтелә. Шул уңайдан мәгълүмат-библиография бүлегендә энциклопедияләрдән, белешмәлекләрдән, сүзлекләрдән һәм бүлек фондындагы башка мәгълүмати чыганаклардан торган күргәзмә куелды.

Татарстан Республикасы Милли китапханәсенең вакытлы матбугат бүлегендә (Казан, К.Маркс ур., 36 нчы йорт) «Экологик культура һәм тирә-як мохитне саклау» дигән циклдан «Урман бит ул – агачлар гына түгел» исемле күргәзмә оештырыла. Ул 2013 нче елның 16 нчы сентябреннән эшли башлый.

2013 нче елның сентябрендә Татарстан Республикасы Милли китапханәсенең укучыларга хезмәт күрсәтү бүлеге илебезнең генә түгел, ә бөтен дөнья җәмәгатьчелеген кызыксындырган актуаль темаларга күргәзмәләр сериясе әзерләде.

Татарстан Республикасы Милли китапханәсенең вакытлы матбугат бүлегендә (Казан, К.Маркс ур., 36 нчы йорт) «Тынычлык һәм толерантлык: Татарстан халыкларының яшәү нигезе» исемле күргәзмә эшли.

Татарстан Республикасы Милли китапханәсенең вакытлы матбугат бүлегендә (Казан, К.Маркс ур., 36 нчы йорт) Белем көне уңаеннан оештырылган «Мәктәп: проблемалар, эзләнүләр, чишелешләр» исемле күргәзмә эшли.