ЯҢАЛЫКЛАР

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) «Тәмәкесез тормышка җиде адым» дип исемләнгән китап күргәзмәсе ачылды.

Татарстан Республикасы Милли китапханәсенең Зур уку залында (Казан шәһәре, Кремль урамы, 33 нче йорт), 1812 нче елгы Ватан сугышының 200 еллыгы уңае белән, «Халык каһарманнарының бөек батырлыклары» дип исемләнгән күргәзмә куелды.

Татарстан Конституциясе кабул ителүгә 20 ел тулу уңаеннан оештырылган халыкара фәнни-гамәли конференциядә катнашучылар игътибарына Милли китапханәнең татар әдәбияты һәм туган якны өйрәнү бүлеге «Республикабыз Конституциясе – Татарстан дәүләтчелегенең нигезе» дигән күргәзмә тәкъдим итте.

Татарстан Республикасы Милли китапханәсендә Wi-Fi.зоналары булдырылды.

Татарстан Республикасы Милли китапханәсе мәктәпләрнең көзге каникуллары көннәрендә балалар өчен экскурсия программалары тәкъдим итә.

Татарстан Республикасы Милли китапханәсенең Зур уку залында күренекле әдәбият галиме, публицист Җамалетдин Вәлидинең тууына 125 ел тулуга багышлап «Намус, гаделлек, вөҗдан» дип аталган күргәзмә эшли башлады.

2012 елның 26 октябрендә Татарстан Республикасы Милли китапханәсендә Татарстан Республикасының үзәкләштерелгән китапханәләр сиситемасы китапханә хезмәткәрләренең «Инвалидларга китапханә хезмәте күрсәтү: яңа чынбарлык» дип аталган семинары узды.

22 октябрьдә Татарстан Республикасы Милли китапханәсенең мәгълүмат-библиография бүлегендә «Социомәдәни өлкә мәгълүмат ресурслары – белгечләргә» дип аталган мәгълүмат көне узды.

Татарстан Республикасы Милли китапханәсенең мәгълүмат-библиография бүлеге 18 октябрьдә КДМСУның ике төркем студент-культурологлары өчен «Социомәдәни һәм буш вакытны оештыру эшчәнлеге ресурслары» дигән мәгълүмат көне уздырды.

2012 нче елның 15 нче октябрендә Татарстан Республикасы Милли китапханәсенең патентлар бүлегендә (Карл Маркс ур., 36 нчы йорт) КНИТУ (КХТИ)ның 5 нче курс студентлары өчен чираттагы семинар уздырылды.