ЯҢАЛЫКЛАР

Китапханә-мәгълүмат мәсьәләләрен яктырта торган төбәк периодик басмалары арасында чираттагы III нче бөтенроссия «Библиопресса-төбәк – 2009» конкурсы быелның 15 февраленнән 1 маена кадәр үткәрелде. Аның гамәлгә куючылары – Россия Федерациясенең мәдәният министрлыгы, Россия китапханәләр ассоциациясе, Россия дәүләт яшүсмерләр китапханәсе, «Молодые в библиотечном деле» («Китапханә эшендә яшьләр») журналы редакциясе.

17-22 май көннәрендә Россия китапханәләренең 2009 елгы башкаласы Вологда шәһәрендә Бөтенроссия китапханәләр Конгрессы: Россия китапханәләр ассоциациясенең (РКА) XIV Конференциясе булды. Анда Татарстан Милли китапханәсе хезмәткәрләре дә катнашты.

2009 елның 26 маенда Татарстан Республикасы Милли китапханәсенең патентлар бүлегендә (К.Маркс ур., 36 йорт) КДТУ нефть факультетының 2 курс студентлары өчен “Нефть эшкәртү һәм гамәли нефть технологияләре өлкәсендә патент тикшеренүләре” дигән тематик күзәтү булды.

Татарстан Милли китапханәсенең күргәзмәләр залында (Кремль ур., 33 йорт) китапханәчеләр өчен “Хәзерге китапханә: үсеш юнәлешләре” исемле һөнәри әдәбият күргәзмә-панорамасы ачылды.

2009 елның 15 маенда Татарстан Милли китапханәсенең сәнгать бүлегендә (Театр ур., 5 йорт) зур уңыш белән музыка һәм рәсем сәнгате укытучылары өчен Ачык ишекләр көне үтте.

Көн тәртибендә түбәндәге мәсьәләләр тикшерелде:
1. Кереш сүз.
Гыйльми совет рәисе Р. И. Вәлиев.

11 - 31 майга кадәр чит телләрдәге әдәбият бүлеге каршындагы алман уку залында “Футбол – безнең тормыш!” дип исемләнгән күргәзмә эшли. Ул 2009 ел Татарстан Республикасында спорт һәм сәламәт яшәү рәвеше елы уңаеннан уздырыла. Күргәзмә Мәскәүдәге Гете исемендәге Алман Мәдәният үзәге ярдәмендә оештырылды.

2009 елның 4-31 май көннәрендә Татарстан Республикасы Милли китапханәсенең сәнгать бүлегендә (Театр ур., 5 йорт) “Хисләр дөньясы. Ир-ат һәм хатын-кыз. Сәнгатьтә мәхәббәт” исемле күргәзмә белән танышырга була.

ТР Милли китапханәсенең күргәзмәләр залында (Кремль ур., 33 йорт) Бөек Ватан сугышының 64 еллыгына багышланган “Үлемсез каһарманлык: Җәлил-җәлилчеләр” дип исемләнгән китап күргәзмәсе эшли башлады.

Тел-әдәбият галиме, профессор Габдрахман Сәгъдинең (1889–1956) тууына 120 ел тулу уңаеннан Татарстан Милли китапханәсенең Зур уку залында (Казан, Кремль ур., 33) «Киң колачлы галим һәм фикер иясе» дип аталган күргәзмә оештырылды.