ЯҢАЛЫКЛАР

2015 нче елның 26 нчы марты көнне Татарстан Республикасы Милли китапханәсенең «Дәрья» әдәби кунакханәсе иҗатның төрле өлкәләрендәге яшьләрне берләштерүче «Калеб» яңа буын җыены белән очрашты. Бу көнне Зур уку залында яшь, талантлы шагыйрь, композитор, җырчы, музыкантлар «тавыш»ы яңгырады.

2015 нче елның 26 нчы мартында ТР Милли китапханәсенең мәгълүмат-библиография бүлегендә (Кремль ур., 33 нче йорт) КДМСУның социомәдәни эшчәнлек факультетында читтән торып укучы 4 нче курс студентлары өчен «Мәгълүмат ресурслары мәдәният хезмәткәрләренә ярдәмгә» дип исемләнгән Мәгълүмат көне узды.

2015 нче елның 2 нче апрелендә 17.00 сәгатьтә Татарстан Республикасы Милли китапханәсенең Зур уку залы «Театр кунакханәсе» тамашачыларын Габдулла Кариев исемендәге Казан Татар дәүләт яшь тамашачы театры артистларыбелән очрашуга чакыра.

2015 нче елның 20 нче марты көнне Татарстан Республикасы Милли китапханәсе бинасында (Казан, Кремль ур., 33 нче йорт) Бакиров Марсель Хәернас улының «Древнетюркская поэзия: неразгаданные тайны устного и письменного творчества наших предков» монографиясен тәкъдир итү чарасы узды.

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) айга ике тапкыр алмаштырыла торган яңа китаплар күргәзмәсе гамәлдә.

2015 нче елның 26 нчы марты көнне 17.00 сәгатьтә Татарстан Республикасы Милли китапханәсенең «Дәрья» әдәби кунакханәсе «Калеб» яңа буын җыены белән очрашуга чакыра. Гүзәл, зиннәтле Китап Йортында шагыйрь, композитор, җырчы, музыкантлар «тавыш»ы яңгыраячак.

Татарстан Республикасы Милли китапханәсенең вакытлы матбугат бүлеге хезмәткәрләре, Россиядә Әдәбият елы уңаеннан һәм Е.А.Боратынскийның 215 еллыгына багышлап, Казан шәһәре Идел буе районындагы 78 нче урта гомуми белем бирү мәктәбенең 7 нче сыйныф укучылары белән очрашу уздырды.

Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәре Идел буе районындагы аерым предметлар тирәнтен өйрәнелә торган 68 нче татар-рус урта гомуми белем мәктәбенең 5 нче сыйныф укучылары белән очрашты.

Татарстан Республикасы Милли китапханәсенең уку залында (Казан, К.Маркс ур., 36 нчы йорт) Татарстанның атказанган мәдәният хезмәткәре, Татарстан журналистларының «Бәллүр каләм» бүләге иясе, Татарстан журналистлар берлеге әгъзасы, Саба районында яшәп иҗат итүче Гөлсинә Наил кызы Галимуллина белән очрашу булды.

Мәдәният хезмәткәрләренең һөнәри бәйрәменә багышлап Татарстан Республикасы Милли китапханәсенең мәгълүмат-библиография бүлегендә (Казан, Кремль ур., 33 нче йорт) бүлек фондындагы вакытлы басмалардан, сценарийлардан торган күргәзмә оештырылды.