ЯҢАЛЫКЛАР

Татарстан Республикасы мәдәният министрлыгы һәм Татарстан Республикасы Милли китапханәсе 2014 нче елның 18 нче июлендә Милли китапханәнең төп бинасында (Казан, Кремль ур., 33 нче йорт) Дүртенче мемориаль Ә.Г.Кәримуллин укулары уздырдылар.

Беренче бөтендөнья сугышы башлануга 100 ел тулу уңае белән Татарстан Республикасы Милли китапханәсенең кулъязмалар һәм сирәк китаплар бүлеге хезмәткәрләре тарафыннан «Кичке шәфәкъ нурларын кызартты канкоешлы сугыш афәте...» исемле күргәзмә оештырылды.

Татарстан Республикасы мәдәният министрлыгы Татарстан Республикасы Милли китапханәсе белән берлектә 24 нче июнь көнне Татарстанның үзәкләштерелгән китапханәләр системалары директорларының республика киңәшмәсен үткәрде.

Милли китапханәгә йөрүчеләр, казанлылар һәм башкала кунаклары, туристлар өчен Кулъязмалар һәм сирәк китаплар бүлеге, китапханәнең 150 еллык юбилеена багышлап, «Казан шәһәренең җәмәгать китапханәсе: тарих сәхифәләре» исемле күргәзмә оештырды.

Төбәк һәм милли массакүләм мәгълүмат чараларының Бөтенроссия форумы эшендә катнашу өчен Казанга килгән хөрмәтле кунак – матбугат һәм массакүләм коммуникацияләр федераль агентлыгы җитәкчесе Михаил Сеславинский – 2014 нче елның 19 июнендә Татарстан Республикасы Милли китапханәсендә булды.

2014 нче елның 11 нче июне көнне Татарстан Республикасы Милли китапханәсенең вакытлы матбугат һәм чит телләрдәге әдәбият бүлекләрендә (Казан, К.Маркс ур., 36 нчы йорт) Казан шәһәренең 3 нче гимназия укучылары кунакта булдылар.

Әле генә уку елын уңышлы тәмамлап, мәктәп балалары җәйге каникулларга таралыштылар. Балаларны һәм яшьләрне алда озын каникуллар көтә һәм аны, еллар үткәч тә сагынып искә алырлык булсын өчен, файдалы һәм мәгънәле итеп уздырырга кирәк.

6 июньдә Татарстан Республикасы Милли китапханәсе хезмәткәрләре Россиядә һәм Татарстанда игълан ителгән Мәдәният елы кысаларында оештырылган чараларның берсе – «Китапфест – 2014» фестивалендә катнаштылар.

Бөек рус шагыйре Александр Сергеевич Пушкин туган көнне Россиядә Рус теле көне дә билгеләп үтелә. Бу күренекле дата уңаеннан билгеләп үтелә торган Рус теле көненә Татарстан Республикасы Милли китапханәсенең мәгълүмат-библиография бүлегендә бөек шагыйрьнең тормышы һәм иҗаты турындагы мәгълүмати чыганаклардан торган күргәзмә куелды.