ЯҢАЛЫКЛАР

Сезне Татарстан Республикасы Милли китапханәсенең күргәзмәләр залында ачылган «Кеше булу сәнгате» исемле китап күргәзмәсен карарга чакырабыз.

2009 елның 13 ноябрендә Татарстан Республикасы Милли китапханәсенең сәнгать бүлегендә музыка һәм рәсем укытучылары өчен ачык ишекләр көне үткәрелде. Бирегә килүчеләр китапханәнең һәм сәнгать бүлегенең фондлары һәм каталоглары системасы, китапханәдән файдалану кагыйдәләре, файдаланучыларга Милли китапханә тарафыннан тәкъдим ителә торган төп һәм өстәмә хезмәт күрсәтү төрләре белән таныштылар. Музыка һәм сынлы сәнгать дәресләре укыту өлкәсендә инновацион технологияләр куллануга багышланган күргәзмә зур кызыксыну уятты.

Театр сәнгатенең бай тарихы, матур традицияләре бар. Ул күп тармаклы зур дәрьяны хәтерләтә. Дәрья башы бик борынгы заманнарга барып тоташа. Кешелек хәтерендә төрле чор театрлары хакында күзаллау яши. Театр актердан башка яши алмый. Актер, курчак булса да (курчак театрларында), йөзен маска белән капласа да (антик һәм традицион көнчыгыш театрында), җырласа яки сөйләсә генә дә (опера һәм драма театрында) яки бер сүз дәшмәсә дә (пантомима театрында), театрның җаны. Театрларның шушы күптөрлелеге кешенең роль башкару осталыгы аша бер сәнгать төренә берләшкән.

«Дан өчен түгел...» исеме астында Татарстан Республикасы Милли китапханәсенең күргәзмәләр залында китап күргәзмәсе ачылды (Кремль ур., 33 йорт). Ул Россиядә 4 ноябрьдә билгеләп үтелүче Халыклар бердәмлеге көненә багышланган.

22 октябрьдә Казанда старт алачак «Россия – спорт державасы» форумы уңаеннан Татарстан Милли китапханәсенең вакытлы матбугат бүлеге спорт сөючеләрне бүлек фонды басмаларыннан әзерләнгән күргәзмә белән танышырга чакыра.

2009 нчы елның 16 нчы октябрендә ТР Милли китапханәсенең сәнгать бүлегендә (Театр. ур., 5 йорт) «Бөек җырчылар» видеосалонының опера примасы Анна Нетребко иҗатына багышланган утырышы узды.

2009 елның 17 октябрендә Татарстан Республикасы Милли китапханәсенең вакытлы матбугат бүлегендә (К.Маркс ур., 36 йорт) Казан дәүләт гуманитар-педагогика университеты укытучылары һәм студентлары өчен элеккеге Казан губернасында басылган газета һәм журналларга күзәтү оештырылды.

Татарстан Республикасы Милли китапханәсенең вакытлы матбугат бүлегендә (К.Маркс ур., 36 йорт) 2009 елның 15 октябрендә Казан дәүләт энергетика университеты (КДЭУ) студентлары өчен «Культурология» темасына кагылышлы журналларга күзәтү оештырылды.

2009 нчы елның 14 һәм 15 октябрь көннәрендә Милли китапханәнең патентлар бүлегендә (К. Маркс ур., 36 йорт) Киров исемендәге КДТУның 5 курс студентлары өчен мәгълүмат көне үткәрелә.