ЯҢАЛЫКЛАР
Татарстан Республикасы Милли китапханәсенең күргәзмәләр һәм мәдәни программалар бүлеге, ел саен 10 ноябрьдә билгеләп үтелүче Бөтендөнья фән көненә багышлап, «Киләчәк буын хакына фән» дигән виртуаль күргәзмә тәкъдим итә. Технологияләр үсеше безнең тормышка нинди йогынты ясаячак? Табигый гидросфера үзендә нинди серләр саклый? Безнең гаджетларыбыз киләчәктә нинди булачак? Интернет дөньяны ничек үзгәртәчәк?
«ТАБА» яшьләр этнопроектлары акселераторы төрледән-төрле проектларны этно-стильдә гамәлгә ашыручы 150 яшь кешене үзенә җыйды. Әлеге проектлар арасында хореографик һәм театраль куелышлар, көндәлек кием һәм аксессуарларның дизайн-чишелешләре, архитектур идеяләрне алга этәрүгә, туган телне популярлаштыруга һәм этно-туризмны үстерүгә юнәлдерелгәннәре бар.
2020 ел Россиядә Халык иҗаты елы дип игълан ителде. Быелгы сәнгать төнен без Россия халыкларының музыкаль мәдәниятенә багышлыйбыз. Фольклор халык музыкасы мотивлары белән бергә күңелнең иң түренә үтеп керә, каядыр генетик дәрәҗәдәге яссылыкта ук тәэсир итә. Халык музыкасы – тамырларыбыз һәм тарих белән бәйләнеш ул.
Татарстан Республикасы Милли китапханәсенең сәнгать бүлеге Россиядә Халык иҗаты елын бәйрәм итү уңаеннан «Сәнгать төне» кысаларында сезнең игътибарга халык музыка сәнгате турында «Россиядә халык җырлары» виртуаль күргәзмәсен тәкъдим итә. Халык иҗатының музыка белән бәйләнеше бәхәссез. Фольклор – теге яки бу халыкның сүз сәнгате. Музыка аңа яңа тормыш, җанлы хис-кичерешләр бирә, бу исә халык иҗатын кешеләр күңеленә якынайта, аларны рухи баета.
ТАССР төзелүнең 100 еллыгы – республика, татар халкы һәм, гомумән, төбәк тарихындагы мөһим чор. XX гасырда республика узган юл, барлык кыенлыкларга һәм каршылыкларга карамастан, дәүләтчелекне, традицияләрне торгызу, Россия һәм дөнья цивилизациясендә үзенең уникаль урынын эзләү ягыннан зур әһәмияткә ия.
Татарстан Республикасы Милли китапханәсенең вакытлы матбугат бүлеге татар телендә нәшер ителүче көндәлек иҗтимагый-сәяси һәм мәдәни «Шәһри Казан» газетасының юбилее уңаеннан «Шәһри Казан»га–30 яшь» дип исемләнгән виртуаль күргәзмә тәкъдим итә.
Татарстан Республикасы Милли китапханәсенең вакытлы матбугат бүлеге, 4 ноябрь – Халыклар бердәмлеге көненә багышлап, «Без – көчле, бердәм халык» дигән виртуаль күргәзмә тәкъдим итә.
Татарстан Республикасы Милли китапханәсенә «Татарстан Республикасы Рус милли-мәдәни берләшмәсе» (РНКО) идарәсенең киңәйтелгән утырышында катнашучылар килде. Утырышта катнашучылар арасында Берләшмәнең җирле бүлекчәләре һәм оешмалары җитәкчеләре, рус мәдәниятен, рус телен һәм әдәбиятын үстерү өлкәсендә республикакүләм һәм муниципаль проектлар координаторлары бар иде.
«Иң күп укый торган төбәк» Бөтенроссия конкурсы Матбугат һәм массакүләм коммуникацияләр федераль агентлыгы ярдәме белән Россия китап берлеге тарафыннан үткәрелә, анда иң яхшы тәҗрибәне һәм иң мөһим казанышларны ачыклау, илдәге әдәби тормышны үстерүгә төбәкләрнең керткән өлешләрен бәяләү һәм аларның ватандашларыбыз өчен уку мөмкинлеген арттырудагы казанышларын билгеләү күз уңында тотыла.
Татарстан Республикасы Милли китапханәсенең күргәзмәләр һәм мәдәни программалар бүлеге яңа кайткан китапларның виртуаль күргәзмәсен тәкъдим итә.